Vanessa Casteleiro, Sandra García

O espolio do noso potencial industrial 

O espolio non é só unha realidade en países pobres e afastados. Esta práctica habitual do capitalismo está moi preto de nós. A avaricia das multinacionais, dos fondos buitre, estase a levar por diante o presente e o futuro de case mil familias en Galicia, as que alimentan os traballadores de Alcoa, tanto na Coruña como na Mariña lucense.

Según fontes próximas ao Ministerio de Transición Ecolóxica, nos últimos dez anos a multinacional americana embolsouse ao redor de 1.000 millóns de euros de axudas públicas.

Cando desde Pittsburgh, a multinacional decidiu que os traballadores de Alcoa xa non servían, eles berraron SÍ QUE SERVIMOS. E cando desde a Suiza, os fondistas decidiron vendelos a un conglomerado de nome Riesgo, eles berraron NON ao espolio dos nosos recursos públicos e da nosa forza de traballo.