Acampa, Por la paz y el derecho a refugio

logo_a_bDiario recibimos informacións de acontecementos graves que nos impactan: guerras, fame, escravitude, paro, violencia, exclusión… que provocan o éxodo de millóns de persoas. Seres humanos que foxen da dor, o sufrimento e a morte, buscando refuxio.

Acampa

Somos moitas as persoas que queremos actuar pero non sempre sabemos como. Con esta intención nace   Acampa

Acampa

Prologo - VI Encuentro ACAMPA 2022: Fame e Refuxio

“Coñecemos a fame, estamos afeitos á fame: sentimos fame dúas, tres veces ao día. Non hai nada máis frecuente, máis constante, máis presente nas nosas vidas que a fame —e, ao mesmo tempo, para a maioría de nós, nada máis lonxe que a fame verdadeira”

“Nada influíu máis na historia da humanidade. Ningunha enfermidade, ningunha guerra matou máis xente. Aínda, ningunha praga é tan letal e, ao mesmo tempo, tan evitable como a fame”

Pasaxes do libro A Fame de Martín Caparrós

Aproximadamente 811 millóns de persoas en todo o mundo sufriron fame no 2020, 161 millóns máis que o ano anterior, o que afasta o Obxectivo de Desenvolvemento Sostible ( ODS) de acabar coa fame para 2030, segundo o último Informe anual sobre o Estado da Seguridade Alimentaria e a Nutrición no mundo. Esas cifras son desacougantes. Pero hai máis. Nese mesmo exercicio, por exemplo, 2.370 millóns de persoas non tiveron acceso a comida decente.

Segundo diversas fontes e informes, a día 15 de marzo de 2022 a poboación mundial alcanzou os 7.993 millóns de persoas. A FAO, nos seus informes, asegura que producimos alimentos para 12.000 millóns. A combinación de ambas as cifras leva a unha conclusión tan obvia como sorprendente: neste planeta hai riqueza e recursos suficientes para que ninguén quede atrás e para que ninguén morra de fame.

Quizais chegou o momento de forzar o cambio nas formas de produción e de consumo. Non podemos seguir emitindo gases de efecto invernadoiro e non podemos esperar a que as “Cumes -pantomima- do Clima” adopten compromisos que nacen mortos. O cambio nunca sucederá sen a presión da cidadanía, é dicir, sen o protagonismo responsable dos consumidores. Porque, todos sabémolo: as consecuencias do cambio climático son o maior perigo para a seguridade alimentaria no mundo.

Non podemos aceptar que aumente a fame mentres se desperdician máis de 1.000 millóns de toneladas de alimentos cada ano. Ou mentres máis de 2.000 millóns de homes, mulleres e nenos sofren sobrepeso ou obesidade por ter que alimentarse con comida pouco saudable, aumentando así o perigo de enfermidade e morte.

Con estes datos as preguntas parecen obvias: que facemos mal? que nos está pasando? Por que non somos capaces de erradicar a fame, a pobreza e a desigualdade?

Os que non pasamos fame asumimos como inevitables a desigualdade e a pobreza. Normalizámolas. Estamos tan afeitos á visualización do horror, aínda que ocorra preto de nós, que xa non nos mobiliza. A sobre-exposición tan excesiva ás imaxes, á información e –por riba diso- á desinformación, abócanos a un pernicioso efecto: a incapacidade de distinguir a realidade da ficción.

E ese é, precisamente, o campo de actuación do Movemento Acampa pola Paz e o Dereito a Refuxio, a razón de ser desta rede. Convocámonos para reflexionar, para entender, para buscar solucións, ou ao menos, para facernos as preguntas pertinentes aínda que non sempre alcancemos as respostas. Ou cando o que ouvimos non nos guste. E facémolo escoitando a aqueles que traballan a pé de terreo, ou aos que miran eses escenarios incómodos para descodificarlos e para obrigarnos a ver a realidade descarnada que sempre está máis preto do que pensamos. En Acampa cremos que a cidadanía ten a capacidade e os resortes para o cambio. Que a sociedade no seu conxunto é a única capaz de corrixir esta deriva mortal da especie fronte aos Estados e o capitalismo ao que estes se someten. Seguramente xa non hai marxe para pensar e teorizar en que futuro queremos ter. Pero non é tarde, aínda non, para ter futuro.

Acampa 2022.

Programa 2022
Programa 2022

Exposicións Virtuais

Acampa 2022 – “Fame e Refuxio”.

Guerra e fame

Ricard García Vilanova

Sen refuxio para a fame

Pablo Tosco
(Oxfan Intermón)

Ata que o millo volva crecer

Lys Arango

Brasil, país da fame

Rodrigo Zaim

A terra seca

Javier Teniente

Globesity

Silvia Landi

A memoria do esquecemento

Juan Carlos Tomasi
(Médicos Sin Fronteras)
Ucrania

logo_acampa-t_rj

É unha iniciativa cidadá sen fins de lucro integrada por colectivos sociais, culturais, educativos, veciñais, políticos, sindicais, artísticos, de persoas solidarias, de institucións e empresas con responsabilidade social.

logo_acampa-t_rj

Ten como obxectivo a defensa dos dereitos humanos, o Dereito Internacional Humanitario e o Dereito a Refuxio. Promove a participación e a implicación.

logo_acampa-t_rj

Abre un espazo de encontro para buscar respostas colectivamente. Profunda nas causas dos acontecementos, para contrastar a información.

Acampa é un movemento que pretende crear unha rede de información, de intercambio de ideas e iniciativas na que participan preto de 60 organizacións, fundamentalmente ONGs; tamén hai sindicatos, partidos e moitas persoas que pensan que a unidade e o traballo conxunto son necesarios para transformar as cousas que non nos gustan. Podemos participar como expresión de compromiso coa paz e o dereito a refuxio.

Acampa 2021

A Coruña,
del 9 al 11 de setembro de 2021

Acampa 2020

A Coruña
do 12 de novembro ao 14 de decembro de 2020

Acampa 2018

A Coruña,
do 14 a o 16 de Xuño do 2018

Acampa 2019

A Coruña,
do 20 a o 22 de Xuño de 2019

Acampa 2017

A Coruña,
do 15 a o 18 de Xuño de 2017

Logo Acampa É un encontro cidadán activo no que contamos coa participación das persoas protagonistas, das vítimas, Ong, xornalistas; proxeccións, fotografía, música, teatro, pallasos, eventos artísticos de todo tipo. Tamén visitas guiadas para saber como é un campo de persoas refuxiadas, para entender mellor as verdadeiras causas da guerra.

Quen pode participar?

Acampa facilita a participación cidadá, cada persoa achega a súa enerxía, a súa capacidade e a súa opinión xunto con: Ong, asociacións, organizacións políticas, sindicatos, institucións, grupos informais, empresas con responsabilidade social, colectivos profesionais, etc.

¿Cómo podes participar activamente?

Facendo música, teatro, fotografía, cinema, humor, poesía… Se tes algunha habilidade coa que queiras participar ou se tes algunha idea que propoñer, NON O DUBIDES, APÚNTATE!
Podes colaborar cunha axuda económica, que será empregada para apoiar os intereses e necesidades das persoas refuxiadas, na conta ES46 1491 0001 2530 0007 7549

Patrocinan esta Edición:

Colaboración especial:


Concello de A Coruña
Colaboran:


Diputación de A Coruña
Universidade da Coruna
Patrocinan:


Tórculo
Radio Coruña Cadena Ser
Torculo
Apoian:


Hotel Zenit
Hotel Zenit
Simpatizan:


GRUPO4S
Maracaná
Reciclaje
Quai Café Coruña