Presentación do libro de Juan Carlos Tomasi ( MSF) "La Memoria del Olvido"
Autor
Juan Carlos Tomasi
(Médicos Sin Fronteras)
(1959) Xornalista e fotógrafo. Barcelonés, nado en Madrid.
A súa cámara retratou unha ampla gama de escenarios e momentos históricos en todo o mundo. Desde os desprazados da República Democrática do Congo e Ruanda ata as vítimas da guerra dos Balcáns; desde numerosos desastres naturais ata as súas coberturas humanitarias en grandes epidemias, tratou de buscar o outro lado da información diaria: historias de vida que dignificasen e desen o protagonismo ás vítimas.
Comezou como xornalista deportivo e cubriu os Xogos Olímpicos de Barcelona de 1992. Pero deulle un xiro radical á súa carreira e centrouse na cobertura de conflitos e no xornalismo humanitario. Foi produtor e realizador para varios medios internacionais.
Desde 1995, é fotógrafo e reporteiro da organización humanitaria internacional Médicos Sen Fronteiras. A mirada de Tomasi contribuíu a lle achegar ao público case todos os conflitos esquecidos do mundo dos últimos vinte e cinco anos.
Traballou para medios como El País, La Vanguardia, El Periódico ou The Independent. Tamén colabora con outras organizacións de axuda internacional para difundir as consecuencias dos desastres humanitarios e do cambio climático. Ten publicados varios libros e exhibiu o seu traballo en moitas cidades do mundo, entre elas, Lisboa, Londres, Madrid, Casablanca, Atenas, Roma, Moscova, Pristina, Barcelona, Buenos Aires, Bogotá ou Melbourne.
Anna Surinyach
Editora de la Revista 5W.
Son unha fotoperiodista española freelance especializada en temas de migración, refuxiados e dereitos humanos con sede en Barcelona.
Na última década estiven cubrindo África, Asia e América do Sur e aumentando os meus coñecementos sobre as migracións globais, así como sobre a saúde e as crises humanitarias. Estiven traballando como fotógrafa para Médicos Sen Fronteiras durante 6 anos.
Na actualidade son fotógrafa freelance e editora de fotografía da Revista 5W.
Comentarios Recentes