Presentación do libro de Patricia Simón "MIEDO"
Detalles do evento
Miedo é un libro sobre os temores que artellaron as nosas vidas nos últimos anos e que a covid-19 evidenciou e agudizou, acelerando así o cambio de era no que xa estabamos inmersos: a crise do neoliberalismo, o cambio climático, a crecente desigualdade, os éxodos de migrantes e refuxiados, a robotización do mercado laboral e o aumento do desemprego crónico, o encarecemento da vivenda, a crise demográfica, a polarización e a crispación sociais acirradas polos algoritmos das grandes empresas tecnolóxicas ou a privatización dos servizos públicos.
A incapacidade das democracias representativas para daren resposta a estes desafíos acabou por convertelos nunha serie de medos que os partidos populistas e de extrema dereita instrumentalizaron para impoñer a súa axenda e os discursos de odio.
Presentan:
Javier Gallego Crudo
Susana Sánchez Aríns
Máis
Autor
Patricia Simón
Reporteira especializada en dereitos humanos e enfoque feminista.
Foi cofundadora e subdirectora de Periodismo Humano. Realizou coberturas en máis de 25 países.
Desde que comezou a pandemia no 2020, documentou para La Marea as protestas de Iraq, as consecuencias da covid-19, o incendio do campo de persoas refuxiadas de Lesbos, as eleccións presidenciais de Estados Unidos, os atentados xihadistas en Mozambique ou a deforestación en Serra Leoa, entre outras cuestións.
Recibiu o Premio da Asociación Española de Mulleres dos Medios de Comunicación no 2013. Cubriu durante cinco semanas a guerra desde Ucraína e acaba de publicar coa editorial Debate Miedo, un ensaio sobre os temores que definen a nosa era e como os instrumentalizan a ultradereita e os populismos.
Comentarios Recentes