Javier Corso

O problema da tenencia de terra é o conflito máis antigo de Colombia. A loita polo control da riqueza desta, e o dereito para explotar os seus recursos, é unha disputa vixente na que o elo máis débil pugna por sobrevivir.

Durante décadas as minas de Muzo, a capital mundial da esmeralda, produciron unha inmensa fortuna para os seus propietarios. A finais do século pasado sucedéronse distintos conflitos entre líderes esmeralderos para facerse co control do territorio durante as denominadas “Guerras Verdes”. Naqueles tempos, os chamados “ barequeros” –buscadores de esmeraldas– contábanse por miles na crebada do Río Mineiro, esperando atopar baixo a negra terra aquela xema que os sacase da extrema pobreza. Despois de que as leis ambientais de Colombia prohibisen ás empresas botar ao río a terra sobrante das escavacións mineiras, tan só unhas decenas de “ barequeros” seguen removendo os restos coas súas propias mans.